žonglěrowanje lochko

Kajke su waše prózdniny? Přeco hišće nam wirus žadyn měr njeda – snano je tež waš nazymski dowol skepsał? Zo njeby so wam doma wostudźiło, mamy tu mały tutorial za zwučowanje žonglěrowanja za was. Štóž nima buliki njech sej hrabnje mandariny abo něšto, štož so derje hodźi – z jejami snano hišće tróšku dočakać. Hdyž ćini wam wjeselo, móžeće sej wězo wotpowědne buliki wobstarać! Dźensa pokaza wam Filip prěni krok žonglaže.Wón wam dokładnje pokaza, kak měhli zwučować a na čo měli dźiwać, zo bychće wuspěšni byli. Wuspytajće raz a trenujće doma, zo sće potom na přichodne widejo derje přihotowani!

Wjace čitać

Spěwčk: čmjeła hana

Čmjeła Hana sej wězo tež rady spěw zaspěwa. A wona ma samo sama jedyn tajki! Wšako je přeco rjenje, hdyž maš mału melodiju we myslach, kotraž ći dźěło wolóži.
Chceš sej jón nazwučować?

Lucija je jón za was naspěwała a sej samo instrument k pomoci wzała – poskajće raz nutř!

wjace čitać

Kreatiwne hłójčki pytane!

Hejda, wy doma w dźěćacych stwach: Što da runje takle činiće? Wostudu pasć je strowe, smy nawuknyli – ale prošu nic přehnawać. Tohodla mamy nimo inspiracijow za staršich tež tón abo tamny nadawk za was. Wjeselće so na lute małe ideje, kiž móžeće doma přesadźić.

A štóž je hižo sam na rjane wrótnosće přišoł, hoberske LEGO-wěže twarił, pisane wobrazy stworił abo sej što tež přeco wumyslił – my wjeselimy so na wašu mejlku a wozjewimy ideje rady na tutej stronje!