nowolětne słowo – Swět steji na hłowje

Swět steji po zdaću na hłowje. Mnoho je hinak, hač smy to zwučeni. Jenož někotři su to přińć widźeli. Minjene lěto je wjele změniło. A nowe lěto započina so tak, kaž je so stare skónčiło. Wuskutki mało politiskich rozsudow su daloko sahace a potrjechja kóždeho. Mnozy ludźo čuja so jara wobmjezowani a njesu tute stejišćo jara wěsće na dróhu. Přirunanja z 2. swětowej wójnu přeco zaso słyšimy. Štož mamy tu runje wutrać, njeje zdźěla samo za čas 2. swětoweje wójny dawało – rěka potom.

Móžno, zo njejsu so oficialnje po cyłym kraju šule zawrěli abo samo šulska winowatosć wusadźiła. Snano njedawachu tež hinaše dźensniše wuskutki. Tola njezda so to w swětle tež scyła tak překwapjace. Tehdy knježeše wójna, dźensa knježi wirus. A tuž měli sej tola přemyslić, hač njeje přirunanje z 2. swětowej wójnu tola skerje njepřihódne. Přirunajomna je dźensniša situacija wjele lěpje z wobstejnosćemi, kotrež je mór ze sobu přinjesł. Rozsudy, kotrež su ludźo tehdy tworili, zo bychu so škitali, su překwapjace podobne tym, kiž so dźensa tworja.

A sprawnje prajene nochcu našu dźensnišu situaciju ze situaciju wójnskich swójbow přirunować. Dokelž dźědojo a wowki, pradźědojo a prawowki hinaše stawizny powědaja. Wone su połne hrózby a strachow wo přežiwjenje, połne fyziskeje namocy, smjerće přez wójnske nastroje, žarowanja wo młodych, sylnych čłowjekow, masoweho mordarstwa, ludomordarstwa.

Dajće nas spytać, tajke přirunanja wobeńć, dajće nas město toho na 2. swětowu wójnu a jeje wuskutki na přiměrjene wašnje dopominać, zo bychmy so w dźensnišim času napřećo podobnym stracham sebjewědomje pozicioněrować móhli.

Dajće nas tež na minjene lěto zhladować a při tym nic do wopačnych zrudnych přirunanjow padnyć, ale zbožowne a za nas a naše swójby drohotne wokomiki namakać. Tute dawaja cyle wěsće. A z tutych wokomikow da so tež dowěra a nadźija na za nas a našich lubych zjednanliwe lěto 2021 čerpać.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s