Holca dźěše domoj a Kito ćehnješe dale. Wón njepytny, zo bě jemu pomocnik Pana Dietricha, mały lestny Grab na pjatomaj, dokelž chcyše jemu kuzłarske huslički pokradnyć. Cyły dźeń bě Kito pućował. Popołdnju dóńdźe k hatam. Tam wołaše rybar za pomocu, dokelž běštej jeho dźowce wódneho muža do rybarskeho saka zawlekłoj. Kito jeho z huslenjom wuswobodźi a hižo měješe přećela po boku. Zhromadnje z rybarjom chcyše dale ćahnyć, tola nadobo běchu huslički preč. Wódny muž jemu přeradźi, zo je Graba při kradnjenju wobkedźbował. Tak podataj so rybar a Kito na Čornobóh, tam hdźež so Pan Dietrich wokoło honi, zo byštaj kuzłarske husle wróćo zdobyłoj.
Kito husličkar
Theater Bautzen 
Theater Bautzen 
Theater Bautzen
Chceš tež raz wupadać, kaž dźowka wódneho muža?
Što trjebaš?
Paletu barbow dźěćaceje šminki, sak abo dołhe nohajcy ze sakowym mustrom, šminku za woči w módrojtych barbach, błyšćacu barbu za hubu, kajal, mascara, seršćowcy, nopašk a hubicu za make-up.
Najprjedy wobarbiš cyłe mjezwočo dźěsća z pastelowej barbu. Za to wužiwaš najlěpje hubicu, kotruž do barby tunkaš, zo by barbu přez sak na mjezwočo dźěsća přenjesł. Smy so za pastelowu zelenu barbu rozsudźili a tutu z běłej a zelenej barbu změšeli.
Potom pójsnješ sak přez mjezwočo dźěsća, tak zo móže wone hišće derje dychać. Dźěćo dźerži sak, zo so njepřesuny. Tak móžeš mjezoty jednorje wupjelnić. Trjebaš wjele barby a dyrbiš z ćišćom dźěłać. Jeli so radźi, zo so sak njepřesuny, dóstanjeće prawy šupiznojty muster. Tutón móže so na licach abo na šiji wospjetować. Za to trjeba dźěćo tróšku wutrajnosće.
Mały intermezzo: Mała sotřička chce so snano wobdźělić?
Wona móhła na přikład klanku wobarbić (kotruž móžeš jednorje zaso wumyć …)
Hdyž je dźěćo stare dosć a móže měrnje sedźeć, namoluješ nětko wěčka. Šminkuješ cyłej wěčce najprjedy na přikład tirkisowe. Za to smy zaso dźěćacu šminku wužiwali a ju ze seršćowcom nanjesli. Z druhej barbu namoluješ horni dźěl wóčka. Tu smy sej lila barbu wupytali. Potom barbiš mikawčki z mascaru čorne a brjowki z kajalowm pisakom brune.
Nětko je huba na rjedźe. Za to smy błyšćacy lipglos wužiwali. Najprjedy so kontura huby wobarbi, potom so cyła huba wumoluje. W kašćiku wulkeje sotry namakachmy ćmowomódry gloss, kiž je hišće wot póstnicow wyše, tón so idealnje hodźi.
W póstniskim fundusu namakachmy Elsa-šat a periku ze starych časow ‒ a hižo móžachmy ze shootingom započinać. Wšitcy su zbožowni: dźowka wódneho muža je hotowa za jewišćo, klanka tež – předstajenje móže so započinać!
Wjele wjesela při šminkowanju, zdrasćenju a fotografowanju!
dźiwaj so 