Mnohim čłowjekam njewjedźe so tež bjez coronawirusa derje. Woni trjebaja medicinisku abo psychologisku pomoc. W nětčišej nowej situaciji mamy tež na tych myslić, kotřiž njemóža hižo posedźenske terminy wužiwać. Tuta wobstejnosć a potencielne wohroženje přez wirus pohubjeńša symptomy husto.
Załožba Němska depresijowa pomoc wotewrěje z tuteje přičiny swój online portal „iFight Depression Tool“ na šěsć tydźenjow. Tu móža so pomoc pytacy informować a so aktiwnje na swójskim wustrowjenju wobdźělić. Tool je samomanagementowy program za dorosćenych a młodostnych wot 15 lět.
Poprawom je psychoterapeutiski přewod trěbny, dokelž je to dopokazujomnje wosebje skutkowne. W časa coronoweje krizy móže so tool pak tež bjez přewoda wužiwać. Trěbne je jeničce njeformalne přizjewjenje na e-mejlowu adresu ifightdepression@deutsche-depressionhilfe.de. W běhu 24 hodźin měli přistup dóstać.
dźiwaj so 