Zo struktura mnohim ludźom a swójbam tež bjez corony pomha, njeje žane potajnstwo. Nětko pak stanje so wona z prawej zepěru za swójby, kotrež nochcedźa w nowym wšědnym dnju w chaosu so podnurić.
Što pomha?
Lisćiny pomhaja wam. Pisajće sej lisćiny na přikład k wotběhej dnja, k wotběhej tydźenja, jědźny plan, hospodarski plan a cyle klasisce: nakupowanski plan. Započinajće dźeń zahe dosć, ale bjez wulkeho napinanja. Dołhož spytaće so na lisćinach orientować a spjelnjene nadawki wothóčkujeće, změjeće zaćišć, zo wšitko derje zmištrujeće. Tute začuće je pozitiwne a wjele wolóži. Lisćiny zadźěwaja tomu, zo so w dnju a času zhubiće, dokelž wšitko naraz dyrbiće a chceće a stajnje znowa jednaće, štó je runje za čo zamołwity a što scyła ma so runje činić. Integrujće do wašich dnjowych a tydźenskich planow na přikład:
| kruty stawanski čas čas za šulu swójski dźěłowy čas čas za warjenje a zhromadnu jědź čas za domjacnosć | pěstowarski čas připołdniši spar a přestawki nakupowanski čas čas na čerstwym powětře hdy so rumuje? čas za čitanje we łožu nócny měr |
Napisajće sej, štó je hdy za čo zamołwity a powěsńće plany za wšěch widźomne na za to kmane městno w bydlenju (w kuchni abo we wochěži).
Mudrje je, při wšěch wažnych wěcach, kiž maja so wobstarać, na kóždy pad tež wurunace elementy sobu zaplanować:
- joggować, rańši sport z dźěćimi
- přestawki za staršich
- swačina z jednorymi, słódnymi a najlěpje tež strowymi zakuskami
A při wšitkich ramikach, kotrež sej stajeće, njezabudźće to najwažniše: Ani starši ani dźěći su roboterojo – tute dny, na kotrychž wšitcy hromadźe mjenje abo bóle kruće sedźa, su emocionalne wužadanje. Druhdy pomha potom tež jenož, wšitke lisćiny na hromadu zmjetać, so zhromadnje na špundowanje lehnyć a hojacu łoskotansku terapiju započinać.
Jutře je nowy dźeń!
dźiwaj so 