Sadźće na transparencu w nowym wšědnym dnju wašeje swójby. Mnozy z was su zawěsće hižo mjenje abo bóle wuspěšny puć namakali, čas pod wosebitymi wuměnjenjemi přežiwić. Doporučimy wam, prěni tydźeń zhromadnje z dźěćimi a partnerom reflektować:
Što je derje fungowało?
Što docyła nic?
Maće zhromadne ideje?
Kak so kóždy jednotliwc w tuchwilnej situaciji čuje?
Dajće kóždemu móžnosć so wuprajić. Čim wotewrjenišo z dźěćimi wo situaciji rěčiće, čim wjace zrozumjenja za jich starosće, mjerzanja a strachi změjeće – ćim wjace zrozumjenja změja tež woni za was: Za to, zo dyrbiće doma hišće dźěło dočinić, zo trjebaće přestawku abo zo sće tež druhdy njesćerpni a njefairni. Starši chcedźa, zo so dźěćom derje dźe. Ale: Tež dźěći chcedźa, zo so staršim derje dźe. Najlěpje so to radźi, hdyž kóždy wo tamnym wě.
Hdyž sće sej to woměrje dorěčeli, móžeće so mentalnje na nowy tydźeń nastajić, za kóždeho trěbne rumy za nadawki a potrjeby stworić a so dorozumić, kotre kompromisy su trěbne a móžne.
dźiwaj so 